Қозоғистонлик UFC жангчиси намойиш ўтказаётган юртдошларини қўллаб-қувватлади (видео)

Спорт

image

Қозоғистонлик UFC жангчиси Шавкат Раҳмонов (14-0) юртдошларини қўллаб-қувватлаш мақсадида ўз Instagram саҳифасига видео жойлаштирди.

“Мен ҳар қандай ҳолатда ҳам сиз биланман. Ҳозир мен Қозоғистонда эмасман ва қўллаб-қувватлашим мумкин бўлган ягона нарса бу видеони ёзиб олиш. Умид қиламанки, ҳукумат муаммоларни халқ манфаати учун ҳал қилади. Оллоҳдан барчага куч ва сабр тилайман”, дейди Раҳмонов.

Эслатиб ўтамиз, Қозоғистоннинг Жанаозен шаҳрида автомобиль эгалари суюлтирилган газ нархи 120 тенгега (қарийб 3 минг сўм) кўтарилганидан норози бўлиб, оммавий митингга чиқди. Тобора оловланган намойишлар ортидан Ҳукумат комиссияси Ақтау шаҳридаги “Ынтымак” майдонида намойишчилар билан учрашган. Учрашув давомида суюлтирилган газ нархини пасайтириш ва Манғистау вилоятида газ нархини литри учун 50 тенге этиб белгилаш тўғрисида қарор қабул қилинган.  
 
Музокара давомида томонлар барча юзага келаётган муаммоларни конструктив мулоқотнинг асосий оқимида ва амалдаги қонунчилик доирасида ҳал қилишга келишиб олган.   

Шунингдек, митинг иштирокчилари жавобгарликка тортилмаслигига ҳам кафолат берилганди. Лекин, 5 январь куни Қозоғистон ҳуқуқ-тартибот идоралари мамлакатнинг бир қанча вилоятларида содир этилган ноқонуний ҳаракатлар чоғида жамоат тартибини бузганлик учун 200 дан ортиқ кишини қўлга олди.  

5 январь куни, шунингдек, Қозоғистоннинг амалдаги Ҳукумати истеъфо берди. Президент Қосим-Жомарт Тўқаев Ҳукумат истеъфосини қабул қилди. 

Тўқаев мамлакатдаги норозилик вазиятига Ҳукумат, хусусан, Энергетика вазирлиги, шунингдек, “Казмунайгаз” ва “Казакгаз” компанияларини айблади.


Мақола муаллифи

Теглар

Қозоғистон UFC Шавкат Раҳмонов

Баҳолаганлар

603

Рейтинг

3

Мақолага баҳо беринг

Дўстларингиз билан улашинг