Қашқадарёликлар яшаш ҳудудига келиб қолган айиқни Nexia’да қувди (видео)
3-саҳифа
−
05 Апрель 2023 22547
Ижтимоий тармоқларда Қашқадарё вилоятининг Чироқчи туманидаги қишлоқлардан бирида айиқ юргани акс этган видео тарқалди. Ҳолат юзасидан Ўзбекистон Республикаси Табиат ресурслари вазирлиги муносабат билдирди.
“Айни дамда бу бўйича туман ҳокимлигида ишчи-гуруҳ тузилиб, ҳолат назоратга олинганлигини маълум қиламиз. Бу ҳақда батафсил маълумот берилади”, дейилади вазирлик муносабатида.
Тармоқларда тарқалган видеода қашқадарёликлар айиқни Nexia русумли машинада қувганини кўриш мумкин. Ҳойнаҳой, маҳаллий аҳолига айиқнинг кутилмаган ташрифи унчалик ҳам маъқул келмаган.
