“Қамчиқ”даги хандаққа Spark ағдарилиб кетди
Local
−
17 July 2025 4548 1 minute
Кеча, 16 июль куни “Қамчиқ” довонидаги йўлнинг хандақ қисмига Spark автомобили ағдарилиб кетди. Бу ҳақда Фавқулодда вазиятлар вазирлиги хабар берди.
Маълум қилинишича, соат 14:25 да А-373 “Тошкент-Ўш” автомобиль йўлининг “Қамчиқ” довонидан ўтган қисмида “Тошкент-Водий” йўналишида ҳаракатланган Spark русумли автомобиль ҳайдовчиси бошқарувни йўқотиши оқибатида йўлнинг хандақ (кювет) қисмига тушиб кетган. Шундан сўнг, ҳайдовчи воқеа ҳақида “Қамчиқ” махсус-қидирув ёнғин-қутқарув бошқармасига хабар берган.
Хабарга асосан, бир гуруҳ қутқарувчилар айтилган манзилга етиб боргач, махсус техника ва асбоб-анжомлар ёрдамида автомобиль хандақдан олиб чиқилган.
Маълум бўлишича автомобилда ҳайдовчи ва 3 нафар йўловчи бўлган. Ҳодиса оқибатида тан жароҳати олганлар бўлмаган.
Эслатиб ўтамиз, аввалроқ “Қамчиқ” довонида HOVO русумли юк автомашинаси хандаққа тушиб кетганди.
Live
All
