Оҳангарондаги тоғли ҳудудда 5 киши адашиб қолди (видео)
−
06 October 4964 1 minute
Тошкент вилоятининг Оҳангарон туманидаги тоғли ҳудудда адашиб қолган 5 нафар фуқаро қутқарувчилар томонидан топилиб, хавфсиз жойга олиб туширилди. Бу ҳақда Фавқулодда вазиятлар вазирлиги хабар берди.
Қайд этилишича, жорий йилнинг 4 октябрь куни соат 19:37 да “112” тизими орқали “Чинор” МФЙ ҳудудидаги тоғли ҳудудда дам олаётган 5 нафар фуқаро адашиб қолгани ҳақида хабар келиб тушган.
Шундан сўнг, “Қамчиқ” махсус қутқарув бошқармасининг “Бешқўл” навбатчилик қисми қутқарувчилари томонидан қидирув ишлари бошланган. Қутқарувчилар соат 00:31 да 5 нафар фуқарони топиб, хавфсиз ҳудудга олиб тушган. Шундан сўнг, улар яшаш манзилларига юборилган.
ФВВ фуқаролардан тоғли ҳудудларга чиқишда хавфсизлик қоидаларига қатъий риоя қилиш, об-ҳаво шароитини ҳисобга олиш ва сафар йўналишини олдиндан белгилаб олишни сўрамоқда.
Эслатиб ўтамиз, аввалроқ Тошкент вилоятининг Пискент туманидаги Оҳангарон дарёсида 1 аёл оқиб кетгани ҳақида хабар берилган эди.
Live
All15 November
Zangiotadagi binoda yong'in chiqdi
15 November
Sudan armiyasi nazoratni qayta tikladi
15 November
Qora dengizda dron kemaga hujum qildi
15 November