Исроил Эрон телевидениесига жонли эфир пайтида зарба берди (видео)

north_east

Яқин Шарқда ядро можароси: Эрон ядровий дастури ҳақида нималар маълум?

Исроил Мудофаа кучлари (IDF) Эроннинг IRIN давлат телеканалининг таҳририяти жойлашган бинога зарба берди. Маҳаллий Telegram каналлари ёнаётган бино тепасида қуюқ тутун кўтарилаётгани тасвирларини эълон қилмоқда ва дастлабки маълумотларга кўра, қурбонлар бор.

Аввалига экраннинг чап томонида Теҳроннинг умумий панорамаси билан зарба чақнашлари пайдо бўлди, сўнгра студиядан трансляция олиб борилаётган ўнг томонда фон экрани ўчирилди, қоғоз парчалари учиб кетди, кейин эса бошловчи студияни тарк этди. Кўп ўтмай кадр кул билан қопланди ва эшиттириш бир неча сонияга тўхтатилди.

Бундан олдин ID Эрон пойтахтининг телеканал таҳририяти жойлашган туманига зарба беришни режалаштираётгани ҳақида расмий огоҳлантирган ва туман аҳолисини зудлик билан тарк этишга чақирган.

Эслатиб ўтамиз, 16 июнь тонгида Эроннинг навбатдаги ракета ҳужуми оқибатида Исроилда 4 киши ҳалок бўлганди, қарийб 90 киши яраланганди. Ҳалок бўлганлар – икки нафар аёл ва икки нафар тахминан 70 ёшли эркак. Шунингдек, 30 ёшли аёл оғир аҳволда, яна 5 киши ўртача даражадаги жароҳат билан шифохонага ётқизилган.