Исроил “Ҳизбуллоҳ” билан “муштлашиш”ни бошлади
Олам
−
07 Ноябрь 2023 18796
Исроил ҳарбийлари Ливандаги “Ҳизбуллоҳ” ташкилоти позицияларига ҳужум қилишни бошлади. Бу ҳақда Исроил армияси матбуот хизмати хабар бермоқда.
“Исроил мудофаа кучлари айни дамда Ливандаги “Ҳизбуллоҳ” жангариларининг марраларига зарба бермоқда. Тафсилотлар кейинроқ маълум бўлади”, дейилади баёнотда.
Аввалроқ Франция "Ҳизбуллоҳ"га қарши туриш учун Ливан армиясига ўнлаб зирҳли техникалар жўнатаётгани ҳақида ёзган эдик. Бу ҳақда Франция Мудофаа вазири Себастьян Лекорну "L'Orient Le Jour" газетасига берган интервьюсида маълум қилганди.
Унга кўра, Франция Мудофаа вазири Ливандаги яна бир куч – муваққат ҳукуматнинг Бош вазири Нажиб Микати билан учрашиб, мамлакат миллий армиясини кучайтириш ҳақида гаплашганди.
Эслатиб ўтамиз, олдинроқ "Ҳизбуллоҳ"нинг қуролли қаноти Ливан билан чегарадаги Исроил мудофаа кучларининг позицияларига камикадзе дронлари ва бошқариладиган ракеталари билан ҳужум қилганди.
Live
Барчаси
