Испания кубоги. “Эль класико”нинг биринчи жамоаси финалга чиқди

2 апрелга ўтар кечаси Испания кубоги ярим финалидан ўрин олган жавоб ўйинида Мадриднинг “Реал” клуби ўз уйида Сан-Себастьяннинг “Реал Сосьедад” клубини қабул қилиб, 4:4 ҳисобидаги дурангга имзо чекди ва икки ўйин натижасига кўра 5:4 ҳисобида ғалаба қозониб, турнир финалига йўл олди.

“Аноэта” стадионида ўтган биринчи ўйинда “қаймоқранглилар” 1:0 ҳисобида зафар қучган, “Бернабеу”да ўтган ўйин эса драматик кўриниш олди.

Баҳснинг асосий вақти 4:3 ҳисобида меҳмонлар фойдасига ҳал бўлгач, ҳакам экстра таймларга рухсат берди. Экстра таймнинг 115-дақиқада Рюдигер томонидан киритилган гол “қироллик клуби”ни финалга олиб чиқди.

Бугун, 2 апрель куни иккинчи ярим финалда “Барселона” сафарда яна бир Мадрид жамоаси “Атлетико” билан баҳс олиб боради. Томонлар ўртасидаги биринчи ўйинда 4:4 ҳисоби қайд этилган.

Шундай қилиб, “Реал” 26 апрель куни бўладиган кубок финалида иштирок этади. Финалда эса мухлислар ё “Эль класико” ёки Мадрид дербиси гувоҳига айланиши мумкин.