Ироқда тўлиқ блэкаут: бутун мамлакат электрсиз қолди

Ироқнинг барча ҳудудларида истисносиз электр энергияси узилиб қолди. Бу ҳақда мамлакат Энергетика вазирлиги хабар берди.

Вазирлик бунга техник носозлик сабаб бўлганини билдирган.

Ироқ Энергетика вазирлиги маълумотига кўра, мамлакатдаги электр узатиш тармоқларининг катта қисми авариявий техник носозлик туфайли ўчиб қолган. Вазирлик мутахассислари электр таъминотини тезроқ тиклаш учун дарҳол таъмирлаш ишларини бошлаган.

ОАВ хабарига кўра, 4 март куни Ироқнинг барча вилоятларида электр энергияси узилган. Нашр маълумотларига кўра, бу ҳолат минтақадаги кескинлик фонида юз берган. Минтақадаги вазият АҚШ ва Исроил томонидан Эронга қарши зарбалар берилганидан кейин янада таранглашган эди.

Шу билан бирга, РИА Новости нашрининг ёзишича, Ироқда электр узилишининг асосий сабаби техник носозлик бўлиб, у минтақадаги вазият кескинлашгани фонида юзага келган.

“Сизларга маълум қиламизки, электр узатиш линияларининг аксарияти авариявий техник носозлик туфайли ўчирилган. Вазирликнинг тегишли гуруҳлари электр таъминотини тезроқ тиклаш учун зудлик билан таъмирлаш ишларини бошлади. Яқин бир неча соат ичида электр таъминотини қайта тиклашга умид қилмоқдамиз”, дейилади вазирлик хабарида.

Эслатиб ўтамиз, аввалроқ Чехияда йирик миқёсдаги электр таъминоти узилиши – блэкаут содир бўлганди.