ID карта кўринишидаги миллий гувоҳнома журналистларга бепул берилади

Жамият

image

Ўзбекистонда фаолият юритаётган журналистларга умуммилий гувоҳнома берилиши ҳақида жорий йил аввалида Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги директори Комил Алламжонов  маълум қилган эди.

Орада ўтган вақт мобайнида умуммилий гувоҳноманинг берилиши масаласида турли фикрлар бўлди. Ниҳоят бугун, Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги матбуот котиби Ҳикматилла Убайдуллаев умуммиллий гувоҳномаларга оид  маълумот берди.

Убайдуллаевга кўра, журналистнинг миллий гувоҳномаси -  Ахборот ва оммавий коммуникациялар агентлигининг голограмма муҳри билан тасдиқланган ID карта журналистларга бепул тақдим этилади.

"Ҳақиқатан ҳам, Президентнинг 2 февралдаги қарори билан тасдиқланган 2019-2020 йилларда Ўзбекистонда ахборот соҳасини ривожлантириш бўйича Дастурда Ахборот ва оммавий коммуникациялар агентлиги (АОКА) томонидан журналистнинг умумэътироф этилган миллий гувоҳномаси жорий этилиши белгиланган эди.

Шуни маълум қиламанки, Агентлик мазкур масала юзасидан тегишли ҳужжат лойиҳасини аллақачон ишлаб чиққан ва лойиҳа айни пайтда Адлия вазирлиги томонидан кўриб чиқилмоқда. 

Мазкур ҳужжат қабул қилингандан сўнг Ахборот ва оммавий коммуникациялар агентлигининг голограмма муҳри билан тасдиқланган ID карта  журналистларга бепул тақдим этилади", дейди Ҳикматилла Убайдуллаев ўзининг телеграм каналида.


Мақола муаллифи

Теглар

Ўзбекистонда журналистларга бепул

Баҳолаганлар

14

Рейтинг

2.8

Мақолага баҳо беринг

Дўстларингиз билан улашинг