Ғарб Киевнинг қарши ҳужуми учун 63 минг аскар тайёрлади – Пентагон 

Ғарбий коалиция Украинанинг 17 бригада жанговар гуруҳини ва 63 мингдан ортиқ аскарни Киев қарши ҳужумига ўқитди, биргина АҚШ улардан 15 минг нафарини тайёрлаган ва машғулотлар давом этмоқда. Бу ҳақда АҚШ Қуролли кучлари штаб бошлиқлари бирлашган қўмитаси раиси, генерал Марк Милли маълум қилди.

Миллининг сўзларига кўра, Қўшма Штатлар Киевга 800 миллион долларгача бўлган қўшимча хавфсизлик ёрдами пакетини тақдим этган. Тўпламга қўшимча артиллерия тизимлари, жумладан, HIMARS ва Patriot зенит-ракета тизимлари каби ҳаво мудофаа қуроллари киради.

“Бундан ташқари, пакетга танкга қарши ва аниқ бошқариладиган авиация ўқ-дорилари, шунингдек, қурол-яроғлар киради”, дейди у.

Унга кўра, АҚШнинг Украинага хавфсизлик бўйича кўрсатган ёрдамининг умумий миқдори 40 миллиард доллардан ошган.

“Бу нафақат Россия Федерациясининг ноқонуний тажовузкорлиги, балки Россияга ҳеч қандай ҳарбий хавф туғдирмаган мамлакатга қарши кераксиз урушдир”, дейди Милли.

Ўз навбатида, Пентагон раҳбари Ллойд Остин украиналик учувчиларни тўртинчи авлод F-16 қирувчи самолётини бошқаришда келишилган ўқув режасини ишлаб чиқишда муваффақиятга эришишда давом этаётган Дания ва Нидерландиянинг ҳиссасини эслатган.

“Швеция ва Франция Украина билан мудофаа харидлари бўйича икки томонлама шартномалар имзолади, бу эса Киевга янада илғор тизимлар олишга ёрдам беради”, дейди Ллойд Остин.