Футзал: Бугун Ўзбекистон Осиё кубогидаги иккинчи ўйинини ўтказади

Спорт

−

19 Апрель 2024 visibility4711 timer1 дақиқа

Бугун, 19 апрель куни футзал бўйича Осиё кубогининг 2-тур ўйинлари давом эттирилади. “B” гуруҳидан ўрин олган Ўзбекистон терма жамоаси ироқлик футзалчиларга қарши майдонга тушади.

1-турда Австралияни 3:2 ҳисобида мағлубиятга учратган испаниялик мутахассис Хосе Венансио Лопес шогирдлари ҳозирда ўз гуруҳларида 3 очко тўплаб, айнан Ироқ билан пешқадамлик қилмоқда. Дастлабки турда Ироқ терма жамоаси 5:1 ҳисобида саудиялик рақибларидан устун келган.

Маълумот учун, Ўзбекистон-Ироқ ўйини Тошкент вақти билан 19:00 да старт олади. Учрашувга “Бангкок” арена мезбонлик қилади.

Эслатиб ўтамиз, 18 апрель куни Қирғизистон терма жамоаси сенсацион тарзда мусобақанинг амалдаги чемпиони Японияни мағлубиятга учратганди.

Мақола муаллифи