Файзуллаев кетма-кет учинча марта ЦСКАда ой ўйинчиси бўлишга яқин турибди

Спорт

−

14 Декабрь 2023 visibility6638 timer1 дақиқа

Футбол бўйича Ўзбекистон миллий терма жамоаси ва Россиянинг ЦСКА клуби аъзоси Аббосбек Файзуллаев Москва жамоаси сафида кетма-кет учинчи марта ойнинг энг яхши футболчиси бўлишга даъвогар бўлди.

Бунгача сентябрь ва октябрь ойларида “армиячилар”нинг энг яхши футболчиси деб топилган 20 ёшли Файзуллаевдан ташқари совринга Виллиан Роша, Иван Обляков, Келлвен, Чалов ва Заболотный каби футболчилар номзодлик қилмоқда.

Овоз бериш жараёнлари ЦСКАнинг расмий саҳифасида амалга оширилмоқда. Ҳозирда Файзуллаев 80 фоиз овоз тўплаб, бу борада яққол устунликка эга бўлиб турибди. Ғолиб футболчи 17 декабрь куни эълон қилинади.

Эслатиб ўтамиз, 13 декабрь куни Файзуллаевнинг трансфер қиймати кўтарилгани хабар қилинганди. Ҳозирга келиб Аббосбек Ўзбекистоннинг энг қиммат иккинчи футболчиси ҳисобланади.

Мақола муаллифи