Аббосбек Файзуллаевнинг трансфер нархи кўтарилди
Спорт
−
13 Декабрь 2023 25273
Футбол бўйича Ўзбекистон миллий терма жамоаси ва Россиянинг ЦСКА клуби аъзоси Аббосбек Файзуллаевнинг трансфер нархи ошди. Бу ҳақда “Transfermarkt” хабар берди.
Порталда Файзуллаевнинг қиймати 2 миллион еврога ошганини кўриш мумкин. Ҳозирга келиб 20 ёшли футболчининг нархи 4 миллион еврони ташкил этмоқда.
Шундай қилиб, Файзуллаев 20 ёшгача бўлган энг қиммат осиёлик футболчилар рейтингида яна 1-ўринга чиқиб олди. Осиёнинг 20 ёшгача бўлган энг қиммат футболчилари рейтингида 2 миллион евро қиймат билан австралиялик Алессандро Чиркати 2-ўринни банд этган бўлса, 1 миллион еврога баҳоланаётган ироқлик Зидан Иқбол 3-ўринда қайд этилди.
Эслатиб ўтамиз, аввалроқ Файзуллаев дунёнинг энг яхши ёш футболчиси совринига даъвогарлар қаторидан ўрин олгани хабар қилинганди. Совринга ЦСКА аъзосидан ташқари “Реал” аъзоси Жуд Беллингем, “Барселона” футболчиси Гави, “Бавария” ҳужумкор ярим ҳимоячиси Жамол Мусиала ва бош бир қатор истеъдодли тўп усталари даъвогарлик қилмоқда.
Live
Барчаси
