Фарғонанинг “Мега парки”да жанжал чиқди

3-саҳифа

−

18 Июнь 2024 visibility14676 timer1 дақиқа

Фарғона вилоятидаги “Мега парки”да жанжаллашган шахсларга нисбатан маъмурий жавобгарлик белгиланди. Бу ҳақда вилоят ИИБ ахборот хизмати хабар берди.

Билдирилишича, жорий йилнинг 16 июнь куни вилоятнинг Бувайда туманида жойлашган боғда вояга етмаганлар О.М., М.А. ҳамда А.Ш. ўзаро гап талашиб, уришиб жанжаллашишган. Вояга етмаган А.Ш.нинг қариндоши Ш.Ш. ҳам жанжалга аралашган.

Унга кўра, ҳолат шу жойнинг ўзида ички ишлар органлари ходимлари томонидан бартараф этилиб, юқоридаги шахсларга нисбатан Маъмурий жавобгарлик тўғрисидаги кодекснинг 52- (енгил тан жароҳати етказиш), 183-моддалари (майда безорилик) билан ҳужжатлар расмийлаштирилган ва тегишли тартибда судловга юборилган.

Эслатиб ўтамиз, аввалроқ Тошкентдаги “Фарҳод” бозорида сотувчилар ва Миллий гвардия ходимлари ўртасида жанжал бўлгани хабар қилинганди.

Мақола муаллифи