Дунёда биринчи марта каркидон операция қилинди
Олам
−
20 Сентябрь 1644
Буюк Британияда Knowsley Сафари-боғида каркидонда муваффақиятли жарроҳлик амалиёти ўтказилди. Бу ҳақда BBC хабар берди.
Буюк Британиядаги Knowsley Сафари-боғида Амара исмли каркидон шу йил бошида оқсоқлана бошлаган ва текширувдан сўнг унинг ўнг олд оёғи синганлиги аниқланган.
10 нафар ветеринария гуруҳи операцияни ўтказишга қарор қилди. Анестезия остида бўлган Амара қафасда узоқ вақт операция қилинди. Унинг оёғи 6 ой гипсда эди, бу унинг ҳаракатчанлигини чеклаб қўйди.
Амара онаси билан бир ҳудудга жойлаштирилди ва даволанишни тугатгандан сўнг у яна оёққа турди.
Операцияда иштирок этган Ливерпул университетидан доктор Дэвид Стак Амара бўйича операция уларнинг амалиётида мисли кўрилмаганини таъкидлади.
Унинг қўшимча қилишича, улар камерани бўғимга жойлаштира олишларини билган, аммо шикастланган жойнинг қанча қисмини кўра олишларига ишончи комил бўлмаган.
Стекнинг таъкидлашича, каркидонни даволаш ҳақиқатан ҳам ветеринария соҳасида янги тажриба бўлиб, келажакда шу каби вазиятларда бошқа жамоаларга ёрдам бериши мумкин бўлган кўплаб янгиликларни ўз ичига олади.
Эслатиб ўтамиз, ўтган ойда Берлин ҳайвонот боғининг юлдузи бўлган Менг Менг лақабли улкан панда иккинчи марта эгизак дунёга келтирганди.
Live
Барчаси
