Дам олиш кунлари қандай об-ҳаво кузатилади?
Бу қизиқ
−
23 Январь 7474 1 дақиқа
Ўзгидромет дам олиш кунлари кузатиладиган об-ҳаво маълумотини эълон қилди.
Унга кўра, бугун кундузи ва кечаси Ўзбекистон ҳудуди совуқ антициклон таъсири остида бўлади. Ҳаво ҳарорати асосан бугун кундузи 0-3 даража совуқ бўлади.
24 январь куни кундузи совуқ антициклон Ўзбекистон ҳудудидан чекинади ва совуқ ҳаво массаларининг таъсири аста-секин кучсизланади. Ҳарорат кундузи 0-3 даража илиқ атрофида бўлади.
25 январь куни ҳаво ҳарорати нисбатан кўтарилади. Кечалари 3 даража совуқдан 2 даража илиққача кучсизлашади, кундуз кунлари 5-8 даража илиққача исийди.
24-25 январда республика бўйича баъзи жойларда шамол тезлиги 15-20 м/с гача кучаяди, айрим жойларда баъзида 22-25 м/с гача кучайиши мумкин.
Тошкентда: бугун ва эртага ёғингарчилик кутилмайди. Кечаси ва эрталаб туман тушиши мумкин.
Live
Барчаси
