Бугун Ўзбекистон Олимпия терма жамоаси назорат ўйинида қатнашади

Спорт

−

10 Июнь 2024 visibility6922 timer1 дақиқа

Бугун, 10 июнь куни футбол бўйича Ўзбекистон Олимпия терма жамоаси Африканинг Мали U-23 жамоасига қарши навбатдаги ўртоқлик ўйинида майдонга тушади.

Томонлар Париж-2024 Олимпиадасига тайёргарлик кўриш мақсадида 2 та ўртоқлик ўйинида ўзаро баҳс олиб бориши белгиланганди. 7 июнь куни жамоалар дастлабки назорат ўйинида иштирок этди, баҳсда 1:1 ҳисобида дуранг қайд этилди.

Ўзбекистон-Мали ўртасидаги иккинчи ўртоқлик ўйини 19:00 да старт олади. Бу баҳсда Тошкент шаҳридаги “Бунёдкор” стадиони мезбонлик қилади.

Маълумот учун, Ўзбекистон Олимпия терма жамоаси Париж-2024 Олимпиадасида мусобақанинг “C” гуруҳида Испания, Миср ва Доминакан жамоаларига қарши баҳс олиб борса, Мали “D” гуруҳида Япония, Парагвай ва Исроил жамоалари билан куч синашади.

Мақола муаллифи