Бугун мавсумнинг биринчи “Эл класико”си бўлиб ўтади

Бугун, 26 октябрь куни футбол бўйича Испания чемпионатининг 11-тури доирасида турнир пешқдамлари “Реал” ва “Барселона” клублари ўзаро тўқнаш келади.

“Transfermarkt” маълумотларига кўра, жамоалар ўзаро 258-марта тўқнаш келади. Спорт оламида “Эл класико” номи билан машҳур бўлган классик ўйинда “Реал Мадрид” 106 марта, “Барселона” эса 100 марта ғалаба қозонган. Томонлар ўртасидаги 51 та ўйинда дуранг қайд этилган.

Ҳозирга келиб Ла Лига турнир жадвалида “Барселона” 27 очко билан пешқадамлик қилмоқда, “Реал” эса 24 очко тўплаб, 2-поғонани банд этган. 

Қайд этиш жоиз, мазкур баҳс “Реал”нинг янги футболчиси Киллиан Мбаппе учун фаолиятидаги биринчи “Эл классико” ҳисобланади. Шунингдек, “Барселона”нинг германиялик бош мураббийи фаолиятида биринчи марта мумтоз тўқнашувнинг иштирокчиси бўлади.

Маълумот учун, “Реал”-“Барселона” баҳси 23:55 да бошланади. Учрашувни Хосе Мария Санчес Мартинес бошчилигидаги ҳакамлар гуруҳи бошқариб боради.