Бугун 11 нафар ўзбекистонлик боксчи ЖЧда жанг қилади

Бугун, 10 май куни Тошкент шаҳрида ўтказилаётган бокс бўйича катталар ўртасидаги Жаҳон чемпионатининг чорак финал жанглари ўтказилади. Кун дастурига кўра, 11 нафар ўзбекистонлик чарм қўлқоп устаси ярим финал йўлланмаси учун жанг қилади.

Кундузги дастурда Ҳасанбой Дўсматов, Абдумалик Халоков, Саиджамшид Жафаров ва Лазизбек Мулложонов жанг қилса, кечки вақтда Ойбек Жўраев, Мужибилло Турсунов, Асадхўжа Мўйдинхўжаев, Аълохон Абдуллаев, Шоҳжаҳон Абдуллаев ва Баҳодир Жалолов ярим финал йўлланмаси учун рингга чиқади.

ЖЧ чорак финалида жанг қиладиган ўзбекистонлик боксчилар рўйхати: 

-51 кг: Ҳасанбой Дўсматов - Томоя Цубои (Япония) (“B” ринг, 14:00);

-57 кг: Абдумалик Халоков - Ишиш Юсуф (Иордания) (“B” ринг, 14:25 дан сўнг);

-63,5 кг: Руслан Абдуллаев - Лоунес Хамраоуи (Франция) (“A” ринг, 15:10 дан сўнг);

-71 кг: Саиджамшид Жафаров - Игорь Свиридченков (Россия) (“B” ринг, 15:25 дан сўнг);

-92 кг Лазизбек Мулложонов - Сезар Ла Круз (Куба) (“A” ринг, 16:25 дан сўнг);

-54 кг: Ойбек Жўраев - Габриэль Эскобар (Испания) (“B” ринг, 18:40 дан сўнг);

-60 кг: Мужибилло Турсунов - Всеволод Шумков (Россия) (“B” ринг, 18:55 дан сўнг);

-67 кг: Асадхўжа Мўйдинхўжаев - Рониэль Иглесиас (Куба) (“B” ринг, 19:25 дан сўнг);

-75 кг: Аълохон Абдуллаев - Филип Акилов (Венгрия), (“B” ринг, 19:55 дан сўнг);

-86 кг: Шоҳжаҳон Абдуллаев - Альфонсо Домингез (Озарбайжон) (“A” ринг, 20:25 дан сўнг);

+92 кг: Баҳодир Жалолов - Қамшибек Конкабаев (Қозоғистон) (“B” ринг, 21:10 дан сўнг).