Бошланғич синф ўқувчиларига планшет берилади
Жамият
−
12 Сентябрь 2023 10901 1 дақиқа
Энди бошланғич синф ўқувчилари таълим планшетлари билан таъминланади. Бу ҳақда Ўзбекистон Миллий ахборот агентлиги хабар берди.
Президентнинг 2023 йил 11 сентябрдаги фармони билан “Ўзбекистон – 2030” стратегияси тасдиқланди. Унда таълим сифатини яхшилаш ва инновацион ёндашув сифатида бир қатор янги ўқитиш усуллари жорий қилинмоқда. Хусусан, энди барча бошланғич синф ўқувчилари босқичма-босқич таълим планшетлари билан таъминланади.
Агентликнинг маълумотларига кўра, ушбу амалиёт дастлаб Хоразм вилоятининг Қўшкўпир ва Хонқа туманларида эксперимент тариқасида амалга оширилади.
“Келгусида эса мазкур тажриба республиканинг барча ҳудудларида босқичма-босқич жорий этилади”, дейилади хабарда.
Эслатиб ўтамиз, мактабларда 1-синфдан компьютер саводхонлиги дарслари жорий этилади.
Live
БарчасиСергелидаги масжидга ўт кетди
03 Октябрь
