Boshlang‘ich sinf o‘quvchilariga planshet beriladi
Jamiyat
−
12 Sentabr 2023 8069
Endi boshlang‘ich sinf o‘quvchilari ta’lim planshetlari bilan ta’minlanadi. Bu haqda O‘zbekiston Milliy axborot agentligi xabar berdi.
Prezidentning 2023 yil 11 sentyabrdagi farmoni bilan “O‘zbekiston – 2030” strategiyasi tasdiqlandi. Unda ta’lim sifatini yaxshilash va innovatsion yondashuv sifatida bir qator yangi o‘qitish usullari joriy qilinmoqda. Xususan, endi barcha boshlang‘ich sinf o‘quvchilari bosqichma-bosqich ta’lim planshetlari bilan ta’minlanadi.
Agentlikning ma’lumotlariga ko‘ra, ushbu amaliyot dastlab Xorazm viloyatining Qo‘shko‘pir va Xonqa tumanlarida eksperiment tariqasida amalga oshiriladi.
“Kelgusida esa mazkur tajriba respublikaning barcha hududlarida bosqichma-bosqich joriy etiladi”, deyiladi xabarda.
Eslatib o‘tamiz, maktablarda 1-sinfdan kompyuter savodxonligi darslari joriy etiladi.
Live
Barchasi
