Биз ҳеч қачон таслим бўлмаймиз – Кубарси

“Барселона” ҳимоячиси Пау Кубарси Европа Чемпионлар лигаси чорак финал дастлабки ўйинидан ўрин олган “Атлетико Мадрид”га (0:2) қарши баҳсдан сўнг жамоанинг мағлубиятида айбни ўз бўйнига олди. Бу ҳақда у бугун, 9 апрель куни ўзининг Instagram саҳифасида ёзди. 

19 ёшли футболчи ўйиннинг 44-дақиқасида Жованни Симеонега ишлатган қўполлиги учун майдондан четлатилганди.

“Бир ҳаракат ўйинни белгилайди ва натижага таъсир қилади. Футбол шунақа ва мен содир бўлган воқеа учун жавобгарликни ўз зиммамга оламан. 

Олдимизда ҳали узоқ йўл бор, биз ҳар қачонгидан ҳам жипслашганмиз: биз бир оиламиз ва буни доим исботлаб келганмиз. Куч ва қатъият билан олға, биз ҳеч қачон таслим бўлмаймиз”, дейди Кубарси.

Маълумот ўрнида, жавоб учрашуви жорий йил 14 апрель оқшомида Мадридда бўлиб ўтади.

Эслатиб ўтамиз, “Барселона” бош мураббийи Ҳанс-Дитер Флик ҳам “Атлетико Мадрид”га (0:2) қарши ўйиндаги мағлубиятдан сўнг ўз фикрларини билдирган эди.

Рамазон Усанов