Бивол-Бетербиев реванш жанги ҳали тасдиқланмаган – Эдди Хирн

Спорт

−

28 Ноябрь 2024 visibility3339 timer1 дақиқа

Ярим оғир вазнда мутлақ жаҳон чемпиони Артур Бетербиев ва ушбу дивизионда собиқ жаҳон чемпиони Дмитрий Бивол ўртасидаги реванш жанги тасдиқланмаган. Бу ҳақда британиялик промоутер Эдди Хирн маълум қилди.

“Ҳозирча бу реванш бўйича имзоланган ва тасдиқланган ҳеч нарса йўқ. Ҳа, ростдан ҳам уларнинг реванш жанги бўйича музокаралар ўтказилган. Аммо ҳали ҳеч нарса расман тасдиқланмаган. Барча масалалар ҳал бўлиши биланоқ, ўйлайманки, расмий хабар эълон қилинади”, дейди Хирн .

Маълумот учун, боксчилар ўртасидаги илк жанг 2024 йилнинг 12 октябрь куни Саудия Арабистонида бўлиб ўтган ва жангда Бетербиев ҳакамларнинг овози билан ғалаба қозонган эди.

Эслатиб ўтамиз, аввалроқ томонларнинг эҳтимолий реванш жанги санаси маълум бўлганди.

Мақола муаллифи