Бивол ва Бетербиев ўртасидаги реванш жанги санаси аниқ бўлди

22 февраль куни Саудия Арабистонида бўлиб ўтадиган “Riyadh Season” йирик бокс фестивалида икки россиялик – ярим оғир вазнда мутлақ жаҳон чемпиони Артур Бетербиев ва худди шу вазнда собиқ жаҳон чемпиони Дмитрий Бивол ўртасида бокс бўйича реванш жанги бўлиб ўтиши мумкин. Бу ҳақда Саудия Арабистони Кўнгилочарликлар бош бошқармаси раиси Турки Ал аш-Шайх маълум қилди.

“Riyadh Season” катта мусобақага тайёргарлик кўрмоқда, жумладан Артур Бетербиев мутлақ чемпионлигини Дмитрий Биволга қарши реванш жангида ҳимоя қилади”, дейилади манба хабарида.

Бивол ва Бетербиев ўртасидаги биринчи жанг 2024 йил октябрь ойида бўлиб ўтган, ўшанда Бетербиев ҳакамларнинг овози билан ғалаба қозониб, ярим оғир вазн тоифаси тарихида олтита чемпионлик унвонининг биринчи соҳибига айланганди. 

Маълумот учун, 39 ёшли Бетербиев профбоксда 21 та жанг ўтказиб, барча жангда ғалаба қозонган ва жангларининг 20 тасида рақибларини нокаутга учратган. 33 ёшли Бивол эса 24 та жанг ўтказиб, 23 тасида ғалаба қозонган.