Бенавидес Бивол билан жанг қилишни хоҳлаётганини айтди

Америкалик боксчи Дэвид Бенавидес йил охиригача мутлақ жаҳон чемпионлиги учун россиялик Дмитрий Биволга қарши жанг қилиш ниятини маълум қилди. Бу ҳақда у Ариэль Хельванининг YouTube каналига берган интервьюсида сўз очди. 

Бивол 2025 йил февраль ойида ярим оғир вазн тоифасида сўзсиз жаҳон чемпиони бўлганди. Кейинчалик у Жаҳон бокс кенгаши (WBC) камаридан маҳрум қилинди ва ушбу камар Бенавидезга топширилди.

“Мен Дмитрий Биволга қарши жанг қилмоқчиман – айнан шу жангни хоҳлайман. Музокаралар давом этмоқда ва ҳозирча нима бўлишини аниқ билмайман. Унинг олдинда жанги бор, кейин эса танаффус қиладими ёки жароҳат оладими – бу ҳам номаълум. Агар жанг сентябрь ойида ўтса, жуда яхши бўларди. Бўлмаса, йил охиригача албатта ташкил этилади”, деди Дэвид Бенавидес.

35 ёшли Бивол профессионал рингда 24 та ғалаба ва 1 та мағлубият қайд этган. Жорий йилнинг 30 май куни у Екатеринбургда германиялик боксчи Майкл Эйфертга қарши Халқаро бокс федерацияси (IBA) чемпионлик камарини ҳимоя қилади.

29 ёшли Бенавидеc эса фаолияти давомида 32 та ғалабага эришган (шундан 26 таси нокаут билан) ва ҳозирча бирорта ҳам мағлубиятга учрамаган.