Баҳодир Жалолов WBC рейтингида икки поғона юқорилади

Ўзбекистонлик боксчи Баҳодир Жалолов Жаҳон бокс кенгашининг (WBC) янгиланган рейтингида икки поғона юқорилади. Буни янгиланган рейтингда кўриш мумкин.

WBC’нинг янги рейтингида Жалолов оғир вазн тоифасида 11-ўринни эгаллади. Аввалги рейтингда у 13-поғонада қайд этилган эди.

Жалоловдан юқорида турган украиналик Андрей Новицкий ҳам рейтингдаги ўрнини яхшилаб, 12-ўриндан 10-поғонага кўтарилган. Топ-10 ликда қолган боксчилар ўз ўринларини сақлаб қолган. Буюк британиялик Тайсон Фьюри эса ҳамон рейтинг пешқадами бўлиб қолмоқда.

Маълумот учун, Баҳодир Жалолов сўнгги жангини жорий йилнинг 9 май куни Манчестерда ўтказганди. Унда ўзбекистонлик боксчи хорватиялик оғир вазн вакили Агрон Смакични муддатидан олдин мағлуб этган эди.

Эслатиб ўтамиз, аввалроқ 2024 йилги Париж Олимпиадаси чемпиони Абдумалик Ҳалоков вазн тоифасидан қатъи назар (P4P) дунёнинг энг яхши ҳаваскор боксчисига айлангани ҳақида хабар берилганди.