Биринчи синфга қабул жараёни июлдан бошланади
Жамият
−
28 Май 2020
8904Ўзбекистондаги эпидемиологик вазият туфайли мактабларнинг 1-синфига қабул жараёни июль ойидан бошланади. Бу ҳақда Халқ таълим вазирлиги маълум қилди.
Қайд этилишича, амалдаги тартибга кўра, ҳар йили 1 июндан 31 августга қадар Республикадаги барча мактабларнинг 1 синфига қабул жараёнлари амалга оширилган. Бунинг учун ота-оналар тўғридан-тўғри мактабларга бориб ҳужжатларни топширган. Карантин шароитида буни амалга ошириш, яъни ота-оналарнинг таълим муассасаларига ёзги мавсумда ҳам келишларини таъминлаш муаммо юзага келади.
“Ўзбекистон Республикаси Президенти ҳузурида 2020 йил 30 апрелда ўтказилган 28-сонли йиғилиш баёнига мувофиқ республикамизда карантин чекловлари босқичма-босқич юмшатилиб борилаётганлигини инобатга олиб, ҳамда пандемия таъсири тўлиқ бартараф этилгунига қадар 1 синфга қабул жараёнларини июнь ойидан июль ва август ойига кўчириш белгиланган“, дейилади вазирлик хабарида.
Бунинг натижасида:
1. Ота-оналарнинг мактабларга ташрифини чеклаш орқали карантин қоидаларига тўлиқ риоя этилиши таъминланади.
2. Июнь ойида умумтаълим мактаблари битирувчиларининг ҳужжатларини расмийлаштириш билан, олий ўқув юртига ҳужжатларни топширишга тайёрлайди.
1 синфга қабул жараёнлари бошланганидан сўнг, мактаб маъмурияти орқали қўшимча маълумот олиш мумкин бўлади.
Эслатиб ўтамиз, 2019-2020 йил ўқув йили бўйича якунлар эълон қилинганди. Шунингдек, мактабда берилган олтин медаллар ҳеч қандай имтиёз бермаслиги маълум қилинди.
LiveБарчаси
07 Ноябрь 2023
07 Ноябрь 2023
07 Ноябрь 2023
07 Ноябрь 2023