Бибисора Синдоров иштирокидаги турнирининг иккинчи кунини бошлаб берди

Қозоғистонлик шахматчи, блиц бўйича уч карра жаҳон чемпиони Бибисора Ассаубаева АҚШнинг Сент-Луис шаҳрида Жавоҳир Синдоров иштирок этаётган Clutch Chess Champions Showdown турнирининг иккинчи кунини бошлаб берди. Бу ҳақда Сент-Луис шахмат клуби матбуот хизмати хабар берди.

Ассаубаевага мусобақа куни бошланганини рамзий ифодаловчи махсус қўнғироқни чалиш маросими ишониб топширилди.

“Clutch Chess Champions Showdown мусобақасининг иккинчи куни аёллар ўртасида блиц бўйича уч карра жаҳон чемпиони Бибисора Ассаубаеванинг тантанали қўнғироқни чалиши билан бошланди”, дейилади ташкилотчилар баёнотида.

Турнирда тўрт нафар гроссмейстер иштирок этмоқда: ўзбекистонлик Жавоҳир Синдаров, америкаликлар Ҳикару Накамура ва Фабиано Каруана ҳамда ҳиндистонлик Рамешбабу Прагнанандҳа.

Мусобақа Clutch тизими асосида ўтказилмоқда. Унга кўра, куннинг сўнгги партияларида қўшимча очколар тақдим этилади. Турнирнинг умумий мукофот жамғармаси 425 минг долларни ташкил этади.