Байден саратондан даволанишни бошлаганини эълон қилди

АҚШнинг собиқ президенти Жо Байден саратон касаллигини даволаш учун унга буюрилган дори-дармонларни қабул қила бошлаганини айтди. Бу ҳақда у кеча, 30 май куни Делавэрдаги тадбирда сўз очди.

У етакчи жарроҳ билан ишлаётганини таъкидлади.

“Прогноз яхши. Биз ҳамма нарса устида ишлаяпмиз. Ҳаммаси олдинга силжийди ва мен ўзимни яхши ҳис қиляпман. Ҳаммаси жуда оптимистик”, дейди Байден.

Собиқ президентнинг қўшимча қилишича, касаллик ҳеч қандай аъзога, жумладан суякларга ҳам таъсир қилмаган.

Жо Байден, шунингдек, даволаниш “олти ҳафта давомида битта махсус таблетка” олишни ўз ичига олишини айтди. Кейин у бошқа дори ичишни бошлайди.

Собиқ президент вакилларининг хабар беришича, 16 май куни шифокорлар Жо Байденга суякларга метастаз берган простата саратони ташхисини қўйишган. Уларнинг фикрига кўра, касалликнинг агрессив шаклига қарамай, уни гормонлар билан даволаш мумкин.

Эслатиб ўтамиз, май ойининг ўрталарида Байденга простата саратони ташхиси қўйилгани маълум бўлганди. “The Washington Free Beacon”нинг хабар беришича, касаллик аллақачон тўртинчи босқичга ўтган. Касаллик Байденнинг суякларига ўтиб кетган ва бу касалликнинг энг хавфли босқичи, уни даволаб бўлмайди. Шу билан бирга, онкология соҳасидаги етакчи мутахассислар замонавий тиббиёт бундай ташхис қўйилган беморларга яқинда бўлгани каби ойлар эмас, балки йиллар давомида яшашга имкон беришини таъкидлади. Оқ уйнинг собиқ шифокори ва ҳозирги республикачи конгрессмен Ронни Жексон урологларга таяниб, Байденнинг бир йилдан 18 ойгача умри борлигини истисно қилмади.