Байденнинг тахминан қанча умри қолгани айтилди

north_east

Байден президентлик даврида саратон учун тест топширмагани аниқланди

АҚШнинг собиқ президенти Жо Байден простата саратони ташхиси қўйилганидан кейин биринчи марта омма олдига чиқди. Бу ҳақда “The Washington Times” хабар берди.

Сиёсатчи невараси Роберт Ҳантер Байденнинг битирув маросимида қатнашди. Суратни собиқ давлат раҳбарининг рафиқаси Жилл Байден Instagram саҳифасига жойлади.

“Мағрур бувиси ва бобоси! Табриклаймиз Ҳантер, биз сен билан жуда фахрланамиз”, деб ёзган Жилл Байден постида.

Май ойининг ўрталарида Байденга простата саратони ташхиси қўйилгани маълум бўлди. “The Washington Free Beacon”нинг хабар беришича, касаллик аллақачон тўртинчи босқичга ўтган. Касаллик Байденнинг суякларига ўтиб кетган ва бу касалликнинг энг хавфли босқичи, уни даволаб бўлмайди. Шу билан бирга, онкология соҳасидаги етакчи мутахассислар замонавий тиббиёт бундай ташхис қўйилган беморларга яқинда бўлгани каби ойлар эмас, балки йиллар давомида яшашга имкон беришини таъкидлади. Оқ уйнинг собиқ шифокори ва ҳозирги республикачи конгрессмен Ронни Жексон урологларга таяниб, Байденнинг бир йилдан 18 ойгача умри борлигини истисно қилмади.