Баландпарвоз гаплар билан иқтисодиётни юритиб бўлмайди – Президент

Жамият

image

Ўзбекистон Республикаси Президенти Шавкат Мирзиёевнинг Хоразм вилоятига сафари давом этмоқда. Айни вақтда Урганч шаҳрида Хоразм вилояти фаоллари ва тармоқлар мутасаддилари иштирокида йиғилиш бўлиб ўтмоқда.Бу ҳақда Президент Матбуот хизмати хабар берди. 

Президент Шавкат Мирзиёев йиғилиш аввалида хоразмлик деҳқон ва фермерларни, бутун Ўзбекистон халқини бугунги Қишлоқ хўжалиги ходимлари куни билан яна бир бор табриклади.

“Хоразмга бу йил иккинчи марта келяпмиз. Мақсад – сизларнинг кўзларингизга қараб, вилоятдаги долзарб масалаларни муҳокама қилиш, яна нима имкониятлар бор, қандай тартиб, қандай кўмак керак, нима натижа бўлади, деган саволларни қўйиб мулоқот қилиш. Баландпарвоз гаплар билан иқтисодиётни юритиб бўлмайди. Муаммони билсак, қарор тўғри, адолатли бўлади” деди Президент.

Шавкат Мирзиёев “маҳалла раиси – ислоҳотчи” тамойили асосида ижтимоий муаммоларни ҳал қилиш бўйича янги тизим жорий этилишини таъкидлади.

“Президент бир йилда бир келиб, кўриб кетгани билан натижа бўлиб қолмайди. Ҳар бир ҳоким, иқтисодий комплекс раҳбарлари ҳудуддаги муаммолар бўйича тизимли ишлаши керак. Четдан келиб биров қилиб бермайди. Мана, кеча Хоразмдаги шаҳар ва туман ҳокимлари билан гаплашдим. Қанча маблағ сўраса, бердим. Пулимиз кўплиги учун эмас, масала қўя олгани учун. Одамлар ҳам бефарқ бўлмаслиги керак. Маҳаллий кенгашлар, маҳаллалар талаб қилиши лозим”, дейди Шавкат Мирзиёев.

Шунингдек, йиғилишда ишлаб чиқариш ва хизматларни ривожлантириш, иш ўринлари яратиш, кам таъминланганларни камбағалликдан чиқариш, маҳаллалардаги ижтимоий шароитларни яхшилаш бўйича вазифалар белгиланди.


Мақола муаллифи

Теглар

Шавкат Мирзиёев Хоразм

Баҳолаганлар

132

Рейтинг

3.1

Мақолага баҳо беринг

Дўстларингиз билан улашинг