Аргентина Хорватияни мағлуб этишнинг ўзига хос йўлини ўйлаб топди

Аргентина терма жамоаси аъзолари Қатарда бўлиб ўтаётган футбол бўйича Жаҳон чемпионати ярим финалида Хорватия терма жамоаси футболчиларини кўпроқ жаҳлини чиқаришга ҳаракат қилади. Бу ҳақда Хорватиянинг "Jutarnij List" нашри хабар берди.

ОАВ малумотларига кўра, аргентиналикларнинг асосий таркибидаги футболчилардан бири Хорватия жамоаси футболчисига унинг жамоасига хорватларни ўйин ритмидан чиқариб юбориш вазифаси қўйилганини айтган. Аргентина терма жамоасининг уч нафар футболчиси психологик жиҳатдан Лионель Скалони жамоасида энг кучсиз ҳисобланган уч нафар рақиб футболчисини имкон қадар провокацияга ундаш ниятида эканлиги маълум бўлди.

Чорак финалда аргентиналиклар Нидерландияни пеналтилар сериясида мағлуб этди – 4:3. Учрашув давомида аргентиналик футболчилар рақиблари билан бир неча бор тортишиб кетди. Хорватия эса  пеналтилар сериясида Бразилиядан устун келди - 4:2.

Аргентина ва Хорватия терма жамоалари ўртасидаги учрашув 14 декабрь куни бўлиб ўтади. Баҳс Тошкент вақти билан 00:00 да бошланади.