“Ал-Наср”нинг қарзи 187 миллион евродан ошди
Спорт
−
10:05 1449 1 дақиқа
Саудия Арабистони чемпионатининг амалдаги чемпиони “Ал-Наср” футбол клубининг қарзи 800 миллион риалдан (187 миллион евродан ортиқ) ошган. Бу ҳақда “Arriyadiyah” нашри хабар берди.
Манбага кўра, клуб эгаси ҳисобланган Саудия Арабистони Давлат инвестиция жамғармаси (PIF) молиявий инқирозни бартараф этиш чораларини кўрмоқда. Шу билан бирга, “Ал-Наср”ни сотиб олиш бўйича келиб тушган икки таклиф ҳам кўриб чиқилаётгани айтилмоқда.
Аввалроқ, “Ал-Наср”нинг молиявий муаммолари ҳақида ҳам хабар берилган эди. Нашр маълумотига кўра, жамоанинг бир нечта футболчилари июнь ойи учун белгиланган маошларини тўлиқ олмаган.
Эслатиб ўтамиз, ўтган мавсум “Ал-Наср” 2019 йилдан бери илк бор Саудия Арабистони чемпионлигини қўлга киритди. Жамоа сафида беш карра “Олтин тўп” соҳиби ва футбол тарихидаги энг яхши тўпурарлардан бири Криштиану Роналду тўп сурмоқда.
Live
Барчаси
