АҚШ ўзбекистонлик муҳожирларни ҳарбий самолётда Панамага депортация қилди

Америка Қўшма Штатлари мамлакатда рухсатсиз бўлиб турган ўзбекистонлик муҳожирларни Панамага депортация қилмоқда. Бу ҳақда “New York Times” хабар берди.

Қайд этилишича, Америка ҳарбий рейси АҚШ иммиграция ҳибсхонасида бўлган осиёлик муҳожирларни Панамага депортация қилган ва улар орасида Ўзбекистон фуқаролари ҳам мавжуд.

“Бу Трамп маъмурияти давридаги маълум бўлган биринчи депортация”, дейилади хабарда.

Маълум қилинишича, ушбу ноқонуний муҳожирлар орасида Афғонистон, Хитой, Ҳиндистон, Эрон ва Ўзбекистондан келган катталар ва болали оилалар бўлган.

Хабарга кўра, АҚШнинг Панамага яна бир ҳарбий самолёти баъзи африкалик депортация қилинганлардан ва яна осиёлик муҳожирларни депортация қилиши кутилмоқда.

“Бу жами 360 нафарга яқин кишини қамраб олиши кутилаётган учта режалаштирилган рейсдан биринчиси. Бу катта нарса эмас”, дейилади хабарда.

АҚШнинг 13 февраль кунги баёнотида Панама Ташқи ишлар вазирлиги Трамп маъмурияти билан келишувга биноан АҚШга панамалик бўлмаганларни Марказий Америка мамлакатига депортация қилишга рухсат берувчи биринчи рейсни қабул қилганини тасдиқлади.

Айтилишича, депортация парвозида Афғонистон, Хитой, Ҳиндистон, Эрон, Непал, Покистон, Шри-Ланка, Туркия, Ўзбекистон ва Вьетнамдан 119 нафар фуқаро депортация қилинган. Вазирликнинг қўшимча қилишича, келишув бўйича депортация харажатлари АҚШ томонидан қопланади.

Трамп маъмурияти депортация бўйича кўпроқ келишувларни илгари сурган, аммо яна қанча келишувлар бўлиши номаълум.

Нашрнинг ёзишича, Панаманинг депортация қилинганларни қабул қилишга тайёрлиги, шунингдек, Трамп 1999 йилда АҚШ Панамага берган стратегик аҳамиятга эга Панама канали устидан назоратни қайтариб олишдан манфаатдор эканлигини билдирган пайтга тўғри келади. Панама раҳбарлари бу ғояни мутлақо рад этган.

Эслатиб ўтамиз, аввалроқ Америка Қўшма Штатлари Хавфсизлик департаментининг Тергов бошқармаси (HSI) 3 февралга қадар АҚШ бўйсунувидаги Пуэрто-Рикода федерал иммиграция қонунларини бузганликда айблаб, 100 кишини, жумладан Ўзбекистон фуқароларини ҳам ҳибсга олганди. Ҳибсга олишлар жорий йил 26 январда бутун мамлакат бўйлаб бошланган операциялар доирасида ва АҚШ Президенти Дональд Трампнинг ноқонуний иммиграцияга қарши курашиш бўйича буйруқларига биноан амалга оширилган.