АҚШ Украинага Tomahawk ракеталарини юбориши мумкин

Қўшма Штатлар тинчлик келишувига эришилган тақдирда Украинага хавфсизлик кафолати сифатида Tomahawk ракеталарини беришни кўриб чиқмоқда. Бу ҳақда “The Washington Post” ўз манбаларига таяниб хабар берди. 

Музокараларга яқин бўлган АҚШ расмийлари нашрга Трамп маъмурияти АҚШ таклиф қилган режада “Украинага хавфсизлик кафолатлари ҳали ишончли эмаслигини” тушунишини айтган. Хусусан, Трамп Украина армиясининг рухсат этилган максимал сонини ошириши ёки бутунлай олиб ташлаши мумкин.  

“Урушдан кейин тўхтатувчи кучларни кучайтириш учун, агар тинчлик келишувига эришилган тақдирда, расмийлар Украинага Tomahawk ракеталарини беришни кўриб чиқмоқдалар”, деб ёзади нашр. 

Қайд этилишича, ушбу ракеталарни етказиб бериш Россия қарши бўлган Украинада Европа қўшинларини жойлаштиришга муқобил сифатида кўриб чиқилмоқда. Вашингтон Киев бу ракеталарни Россияга қарши “олдиндан” ишлатмаслигига ишонади, чунки бундан ишга қўл ургудек бўлса, оқибатда Киев АҚШ ва Европанинг қўллаб-қувватлашини йўқотади. Нашр манбаларидан бири Вашингтон “иккинчи Югославия” пайдо бўлишининг олдини олиш учун Украинанинг “қулаши”дан қочишни истаётганини билдирган. 

Аввалроқ Киев АҚШни Украинага Tomahawk ракеталарини етказиб беришга чақирган эди. Америка ОАВларининг хабар беришича, Трамп дастлаб бу имкониятни кўриб чиққан, аммо кейинчалик Киевга Қўшма Штатлар ҳозирча бундай қилмаслигини, чунки у дипломатияга устувор аҳамият беришини ва бундай таъминот дипломатик саъй-ҳаракатларга путур етказиши мумкинлигини аниқ айтган. Россия Президенти Владимир Путин илгари Америка ҳарбий хизматчиларининг бевосита иштирокисиз Tomahawk ракеталаридан фойдаланиш мумкин эмаслигини таъкидлаб, “бу Россия ва Қўшма Штатлар ўртасидаги муносабатларни ҳам ўз ичига олган ҳолда, кескинлашувнинг мутлақо янги, сифат жиҳатидан янги босқичини англатади”, деб огоҳлантирган эди. Россия Президенти матбуот котиби Дмитрий Песковнинг сўзларига кўра, Киевга Tomahawk ракеталарини етказиб бериш Москвадан етарли жавоб талаб қилади.