АҚШ Украина билан разведка маълумотларини алмашишни тўхтатди

Амарика Қўшма Штатлари Украина билан разведка маълумотларини алмашишни тўхтатди. Бу ҳақда кеча, 5 март куни манбаларига таяниб, Британиянинг “The Financial Times” газетаси хабар берди.

Нашрнинг қайд этишича, Америка разведкаси маълумотларисиз Украина Қуролли кучлари учун Россия қўшинларига қарши самарали ҳаракатларни амалга ошириш қийинроқ бўлади. Марказий разведка бошқармаси директори Жон Ратклифф “Fox” телеканалида Киев билан разведка маълумотларини алмашиш тўхтатилганини тасдиқлади.

АҚШ маъмуриятининг бу қарори 28 февраль куни Оқ уйда мамлакат Президенти Владимир Зеленский билан боғлиқ жанжал фонида АҚШ Президенти Дональд Трамп Украинага ҳарбий ва гуманитар ёрдамни тўхтатиш тўғрисида буйруқ берганидан икки кун ўтиб қабул қилинди.

Бир кун олдин Британиянинг “Daily Mail” газетаси Буюк Британия АҚШ ҳукуматидан Украинага америкаликлардан олинган разведка маълумотларини етказиб беришни ҳам тўхтатиш талабини олганини ёзган эди. Айни пайтда Америка ва Британия разведка хизматлари ўртасидаги ҳамкорлик давом этмоқда.

Шу билан бирга, FT'нинг яна икки манбаси иттифоқчилар Украина билан разведка маълумотларини бўлишишда давом этиши ҳақида фикр билдирди, аммо бу Украина Қуролли кучларига Россиянинг ҳаракатланувчи нишонларига зарба бериш учун зарур бўлган нозик маълумотларга тааллуқли эмас.

north_east

Трамп Украина билан битим шартларини ўзгартириши мумкин – ОАВ

Шу билан бирга, “Sky News” журналисти Дебора Хейнс Украина раҳбариятидаги манбага таяниб, разведка маълумотларини узатишни тақиқлашни танлаб олиш деб атамоқда. Унинг сўзларига кўра, тақиқ фақат Украина Қуролли кучлари учун Россия Федерацияси ҳудудида бўлиши мумкин бўлган ҳарбий нишонлар ҳақидаги маълумотларга тегишли, лекин Украинанинг ўзида эмас.

Ўз навбатида, Киевдаги номини ошкор этмаган расмий "Bloomberg" агентлигига Украина АҚШдан разведка маълумотларини олишда давом этишини айтди.

Эслатиб ўтамиз, АҚШ Президенти Дональд Трамп 3 март куни Украинага ҳарбий ёрдамни тўхтатиб қўйганди, буни ОАВлар Киевни музокара столига ўтиришга мажбурлаш уриниш, деб ёзди. Қарор Украинага кемалар ва самолётларда, шунингдек, Польшадаги транзит марказларида кетаётган АҚШнинг собиқ президенти Жо Байденнинг пакетларидаги қурол ва ўқ-дориларга таъсир кўрсатди. Шу билан бирга, оммавий ахборот воситалари АҚШ Украинага разведка маълумотларини тақдим этишда давом этганини даъво қилмоқда.

Трамп ва Зеленский 28 февраль куни Оқ уйда тортишиб қолган, шундан сўнг Украина ва АҚШ минерал ресурслар бўйича келишувни имзоламаган эди. Зеленский 4 март куни содир бўлган воқеадан афсусда эканини айтди. Трамп 4 март куни АҚШ Конгрессига мурожаати чоғида Зеленскийдан Украина “имкон қадар тезроқ музокаралар столига ўтиришга” ва қазиб олинадиган ресурслар бўйича келишувни Трамп учун қулай бўлган вақтда имзолашга тайёрлигини ёзган мактуб олганини айтди.