АҚШ олимлари коронавирусни тўлиқ блоклаб, организмни ундан 4 кунда халос этувчи антитанани аниқладилар
Саломатлик
−
17 Май 2020 16456
Sorrento Therapeutics биофармацевтика компаниясининг америкалик олимлари антитанани аниқладилар. Уларнинг баёнотига кўра, антитана коронавирусни 100 фоиз блоклайди.
Маълумотларга кўра, мутахассислар миллиардлаб антитаналарни таҳлил қилишди, улар орасида юздан ортиғи коронавирусга таъсир қилиши мумкинлиги аниқланди. Шундан сўнг, олимлар ўнлаб антитаналарни ажратиб олдилар ва кейинги тадқиқотлар шуни кўрсатдики, улардан бири — STI-1499 — инсон ҳужайраларини 100% инфекциядан ҳимоя қилишга қодир.
Таъкидланишича, у вирусни ўраб олиб, тўрт кун ичида танадан чиқариб ташлайди.
“Биз буни дори эканлигини таъкидлаймиз. Бу 100% фойда беради” дейди олим Генри Жи.
Ҳозиргача синовлар фақат лаборатория шароитида ўтказилди, шунинг учун препаратни чиқаришга рухсат ҳали олинмаган.
