АҚШ Кариб денгизида наркотик ташувчи қайиқни йўқ қилди. Қурбонлар бор

АҚШ армияси Кариб денгизидаги контрабанда йўналишида картеллар номидан гиёҳванд модда олиб кетаётган қайиққа ҳужум уюштирди. Зарба оқибатида 4 нафар “нарко-террорчи” ҳалок бўлди. Бу ҳақда АҚШ Жанубий қўмондонлиги маълум қилди.

Қайд этилишича, операция давомида гиёҳванд модда ташиётгани аниқланган қайиқ нишонга олинган.

АҚШ Жанубий қўмондонлиги баёнотида айтилишича, мазкур операция Кариб денгизидаги контрабанда йўналишларидан бирида ўтказилган. Ҳужум оқибатида 4 нафар “нарко-террорчи” ҳалок бўлган.

Шунингдек, АҚШ армияси қайиқ қайси наркокартел билан боғлиқ экани, операцияни қайси кучлар амалга оширгани ҳамда ҳужумнинг бошқа тафсилотларини ошкор қилмаган.

Маълум қилинишича, АҚШ Жанубий қўмондонлиги Кариб денгизи ва Лотин Америкаси атрофидаги денгиз йўлларида халқаро наркокартелларнинг фаолиятига қарши операциялар олиб бормоқда. Мазкур ҳужум ҳам гиёҳванд модда контрабандасига қарши кураш доирасида амалга оширилган.

Эслатиб ўтамиз, аввалроқ АҚШ Кариб денгизида тақиқланган моддаларни ташиётгани айтилаётган икки қайиққа зарба берганди. Амалиёт оқибатида беш киши ҳалок бўлган.