АҚШ қўшинлари Ироқдан чиқиб кетди

Ироқ армияси АҚШнинг собиқ ҳарбий базасини эгаллади. АҚШ ҳарбийлари Ироқдаги Айн-аль-Асад авиабазасидан чиқарилди ва энди база тўлиқ Ироқ армияси назоратида. Бу ҳақда Ироқ Мудофаа вазирлигига таяниб, CNN хабар берди.

Базада вазифаларни тақсимлаш ва бўлинмаларни бошқариш Ироқ Бош штаби раҳбари, генерал-полковник Абдул Амир Рашид Яраллоҳ томонидан амалга оширилган. 

Агентлиги маълумотига кўра, базада ҳозирда АҚШнинг бир нечта ҳарбийлари қолган, бу логистика билан боғлиқ муаммолар сабабли. Дастлаб, юзлаб америкалик ҳарбийлар 2025 йилнинг сентябригача базадан чиқарилиши, қолганлари эса йил охиригача чиқарилиши режалаштирилган эди.

Оммавий ахборот воситалари хабарига кўра, Америка томони Ироқ ҳарбийларини чиқиш жараёнини тезлаштириш ҳақида олдиндан хабардор қилган. Илгари ҳам АҚШ ҳарбийлари Ироқ ҳукумати билан эришилган келишувга мувофиқ Айн-аль-Асад базасини тарк эта бошлагани хабар қилинган эди.

Маълумот учун, Айн-аль-Асад базаси – Ироқнинг ғарбий қисмида жойлашган йирик ҳарбий авиабаза бўлиб, у Саддам Ҳусайн даврида қурилган. База “Қаҳрамонлар базаси” номи билан ҳам танилган ва у мамлакатдаги энг муҳим ҳарбий объектлардан биридир. АҚШ кучлари 2003 йилдан бошлаб Ироқдаги урушдан сўнг базани ишлатиб келган.

Базада самолётлар учун қисмлар, ҳангарлар, қўмондонлик пунктлари, яшаш ва ёрдамчи иншоотлар мавжуд бўлиб, у стратегик жиҳатдан мамлакатнинг ғарбий ҳудудини назорат қилиш имконини беради. Айн-аль-Асад базаси кўплаб ҳарбий операциялар ва америкалик ҳарбийлар жойлашуви учун марказ сифатида хизмат қилган.

Эслатиб ўтамиз, аввалроқ АҚШ Қатарга Айдахо штатидаги Маунтин-Хом ҳарбий-ҳаво базасида ўзининг F-15 қирувчилари ва учувчиларини тайёрлаш учун авиабаза иншооти қуришга рухсат берганди.