Афғонистон телеканали диний тақиқ туфайли аудио форматга ўтди

Афғонистоннинг Фараҳ вилоятидаги давлат телевидениеси – RTA “Толибон” муваққат ҳукуматининг эзгуликни тарғиб қилиш ва иллатларнинг олдини олиш вазирлиги томонидан жонли тасвирларни кўрсатиш тақиқлангандан кейин фақат аудио эшиттириш тизимига ўтди. Бу ҳақда Афғонистон журналистика маркази – AFJC хабар берди.

“Фараҳ миллий радио ва телевидение департаменти визуал дастурларни бутунлай йўқ қилиб, фақат аудио платформага ўтди. Эшиттиришлар энди фақат онлайн контентдаги жонсиз жисм ёки тузилма тасвири билан тўлдирилган аудио ҳисоботдан иборат бўлади”, дейилган хабарда.

AFJC'га кўра, янги тартиб ҳозирча хусусий оммавий ахборот воситаларига расман жорий қилинмаган, бироқ кўплаб маҳаллий амалдорлар камерага интервью беришни истамаяпти.

north_east

Афғонистондаги вилоятда амалдорларга суратга тушиш ва интервью бериш тақиқланди

Фараҳ мамлакатнинг ушбу чеклов чорасини қўллаган еттинчи вилояти. Илгари бундай тақиқ Қандаҳор, Тоҳар, Бадгис, Ҳилмонд, Нангарҳор ва Нуристонда амалиётга киритилган. Кейинчалик ушбу ҳудудларнинг баъзилари фотосурат ёки видео интервьюдан фойдаланишга рухсат бериш учун қарорни юмшатган.

Эслатиб ўтамиз, аввалроқ “Толибон” муваққат ҳукуматининг ахборот ва маданият вазирлиги ходимлари хавфсизлик кучлари билан биргаликда Афғонистондаги ягона аёллар радиоси – “Radio Begum” офисига бостириб кириб, унинг эшиттиришларини тўхтатганди. Ҳуқуқ-тартибот идоралари ходимлари рейд давомида ташкилотга раҳбарлик қилган аёллар, шунингдек, вокзалда муҳим лавозимда ишламаган икки эркакни қўлга олган.