Аббос Криштиануга қарши. Улар буни қила олади – Казанский

Россиялик телебошловчи ва спорт шарҳловчиси Денис Казанский Жаҳон чемпионати қуръа ташлаш маросимидан сўнг Ўзбекистон терма жамоаси ҳақида фикр билдирди. Бу ҳақда журналист ўзининг Telegram-каналида маълум қилди.

“Ўзбекистон учун жуда хурсандман. Аббос Криштиануга қарши. Улар буни қила олади!” деб ёзади Казанский ўзининг Telegram-каналида.

Шунингдек, Казанский жаҳон чемпионатининг қолган гуруҳлари ҳақида ҳам ўз фикрларини билдириб ўтди.

“Менича қизиқарли гуруҳлар йўқ. Буларнинг барчаси ноаниқлик туфайлидир. Балки, фақат Марокаш, Бразилия ва Шотландия гуруҳини алоҳида айтиш мумкиндир. Англия, Хорватия, Гана, Панама гуруҳида ҳам алоҳида эътироф этадиган нарса йўқ”, дейди Казанский.

Эслатиб ўтамиз, Жаҳон чемпионатининг гуруҳ босқичига қуръа ташлаш маросимида Ўзбекистон миллий терма жамоаси Португалия, Колумбия ва Ямайка/Конго/Янги Коледония ўтиш ўйини ғолиби билан бирга “K” гуруҳидан жой олган эди.