8 нафар ўзбекистонлик боксчи жаҳон чемпионатида ярим финалга чиқди

Англиянинг Ливерпуль шаҳри мезбонлик қилаётган бокс бўйича жаҳон чемпионатининг чорак финал баҳслари якунланмоқда. Кеча, 11 сентябрь куни Ўзбекистон терма жамоасининг 8 нафар вакили ғалаба қозонди ва ярим финалга йўл олиш билан бирга камида бронза медалларини нақд қилди.

• -54 кг: Нигина Ўктамова – Ёселине Перез (АҚШ) 2:3
• -60 кг: Ситора Турдибекова – Виктория Графеева (Қозоғистон) 1:4
• +80 кг: Олтиной Сотимбоева – Нупур (Ҳиндистон) 1:4
• -55 кг: Миразизбек Мирзаҳалилов – Тадй Жойсе (Ирландия) 2:3
• -70 кг: Шавкатжон Болтаев – Зеяд Эашаш (Иордания) 0:5
• -80 кг: Жавоҳир Умматалиев – Нурбек Оралбай (Қозоғистон) 5:0
• -90 кг: Тўрабек Хабибуллаев – Сағиндик Тоғамбай (Қозоғистон) 5:0
• -51 кг: Феруза Казакова – Мунгунсаран Балсан (Мўғилистон) 5:0
• -57 кг: Хуморабону Мамажонова – Жасмин (Ҳиндистон) 0:5
• -65 кг: Навбаҳор Ҳамидова – Сача Ҳиккей (Англия) 4:1
• -60 кг: Абдумалик Халоков – Бибарс Жексен (Қозоғистон) 5:0
• -65 кг: Асадхўжа Мўйдинхўжаев – Ертуған Зеинулинов (Қозоғистон) 5:0
• -75 кг: Фазлиддин Эркинбоев – Ҳамза Срири (Белгия) 5:0
• +90 кг: Жаҳонгир Зокиров – Омар Шиҳа (Норвегия) 5:0.

Бугун, 12 сентябрь куни чорак финал ва ярим финал баҳслари ўтказилади. Кун давомида Ўзбекистон терма жамоасининг 8 нафар аъзоси рингга кўтарилиши белгиланган. Улардан 5 тасида ўзбекистонликлар финал йўлланмаси учун жанг қилади.

Чорак финаллар:

• -48 кг: Сабина Бобоқулова – Жованна Марчесе (Италия);
• -50 кг: Шодиёржон Мелиқўзиев – Соуши Макино (Япония);
• -85 кг: Акмалжон Исроилов – Рикардо Фреснеда (Испания).

Ярим финаллар:

• -65 кг: Навбаҳор Ҳамидова – Ниен-Чин (Хитой Тайпейи);
• -60 кг: Абдумалик Халоков – Шунсуке Китамото (Япония);
• -75 кг: Фазлиддин Эркинбоев – Саиджамшид Жафаров (Озарбайжон);
• -90 кг: Тўрабек Ҳабибуллаев – Энмануел Реес Пла (Испания);
• +90 кг: Жаҳонгир Зокиров – Данабиеке Байикевузи (Хитой).

Маълумот учун, жорий йилнинг 4-14 сентябрь кунлари Англиянинг Ливерпуль шаҳрида World Boxing шафелигидаги биринчи жаҳон чемпионати ўтказилмоқда. Унда 60 давлатдан 500 дан ортиқ боксчи ғолиблик учун рингга кўтарилмоқда.