3 та клуб муддатидан аввал ЕЧЛни тарк этди

Спорт

−

12 Декабрь 2024 visibility4894 timer1 дақиқа

Европа Чемпионлар лигасида (ЕЧЛ) умумий гуруҳ босқичининг 6-тур учрашувлари якунига етди ва Швейцариянинг “Янг Бойз” ва Словакиянинг “Слован” клублари муддатидан аввал турнирни тарк этди.

Ҳар икки жамоа 6 тур давомида бирорта ҳам очко жамғара олмади, турнирнинг энг ёмон клуби сифатида “Лейпциг” қаторига қўшилди.

Уларнинг барчаси назарий жиҳатдан плей-офф зонасида 8 очко билан охирги ўринда (24-ўрин) бораётган Загребнинг “Динамо”сига ета олмайди.

Шунингдек, “Ливерпуль” ва “Барселона” камида плей-оффда иштирок этишини кафолатлади. Шу билан бирга, “мерсисайдликлар” 6 турнинг барчасида ғалабани қўлга киритган ягона жамоа бўлди.

Мусобақанинг амалдаги ғолиби Мадриднинг “Реал” клуби эса 9 очко билан 20-ўринда бормоқда. Жамоа мусобақа доирасидаги кейинги ўйинларини Австриянинг “Ред Булл Зальцбург” ва Франциянинг “Брест” клубларига қарши ўтказади.

Мақола муаллифи