3 ta klub muddatidan avval YeCHLni tark etdi

Yevropa Chempionlar ligasida (YeCHL) umumiy guruh bosqichining 6-tur uchrashuvlari yakuniga yetdi va Shveysariyaning “Yang Boyz” va Slovakiyaning “Slovan” klublari muddatidan avval turnirni tark etdi.

Har ikki jamoa 6 tur davomida birorta ham ochko jamg‘ara olmadi, turnirning eng yomon klubi sifatida “Leypsig” qatoriga qo‘shildi.

Ularning barchasi nazariy jihatdan pley-off zonasida 8 ochko bilan oxirgi o‘rinda (24-o‘rin) borayotgan Zagrebning “Dinamo”siga yeta olmaydi.

Shuningdek, “Liverpul” va “Barselona” kamida pley-offda ishtirok etishini kafolatladi. Shu bilan birga, “mersisaydliklar” 6 turning barchasida g‘alabani qo‘lga kiritgan yagona jamoa bo‘ldi.

Musobaqaning amaldagi g‘olibi Madridning “Real” klubi esa 9 ochko bilan 20-o‘rinda bormoqda. Jamoa musobaqa doirasidagi keyingi o‘yinlarini Avstriyaning “Red Bull Zalsburg” va Fransiyaning “Brest” klublariga qarshi o‘tkazadi.