2 теннисчи Ўзбекистон фуқаролигини олди

Икки иқтидорли теннисчи Лайма Владсон ва Александра Бармичева Ўзбекистон фуқаролигини олди. Бу ҳақда Ўзбекистон теннис федерацияси матбуот хизмати хабар берди.

“Бу биз учун катта қадам. Лайма Владсон ва Александра Бармичева каби спортчиларнинг пайдо бўлиши Ўзбекистонда аёллар теннисини ривожлантиришга янги туртки беради. Уларнинг ютуқлари ўсиб келаётган авлод учун илҳом манбаидир”, дейди  федерацияси расмий баёнотида.

18 ёшли теннисчи Лайма Владсон, илгари Литва номидан иштирок этган, ITF талқинига кўра дунёнинг энг кучли 10 нафар ёш қизлари қаторига киради ва WTA жаҳон рейтингида 887-ўринда туради. У ёшлигидан юксак натижалар кўрсатиб, Европанинг энг истиқболли спортчилари сафида тилга олинади. Шунингдек, у 2025 йил 9–15 июнь кунлари бўлиб ўтган W15 профессионал турнирида яккаликда ғолиб бўлган.

Ўзбекистон фуқаролигини олган яна бир теннисчи 15 ёшли Александра Бармичева ITF W15 Tashkent 2025 турнирининг энг ёш иштирокчиси бўлди. 2010 йил 25 июлда туғилган Александра аллақачон халқаро мусобақаларда ишончли ўйин намойиш этиб, юқори салоҳиятини кўрсатмоқда.

 Эслатиб ўтамиз, аввалроқ 21 ёшли россиялик теннисчи Мария Тимофеева спорт фуқаролигини Россиядан Ўзбекистонга ўзгартирган эди.