2 ой ичида 4-теннисчи Ўзбекистон фуқаролигини олди

Яна бир россиялик теннисчи, дунёнинг 92-рақамли ракеткаси Полина Кудерметова ҳам Ўзбекистон фуқаролигини олди. Бу ҳақда Ўзбекистон теннис федерацияси матбуот хизмати хабар берди.

22 ёшли Полина Кудерметова Уимблдон чемпиони Вероника Кудерметованинг синглиси ва хоккей бўйича “Ак Барс” билан Россия чемпиони Эдуард Кудерметовнинг қизи ҳисобланади. 

Аввалроқ, жорий йилнинг ноябрь ойида  Лайма Владсон ва Александра Бармичева ва кейинчалик WTA рейтингида 109-ўринни эгаллаб турган профессионал теннисчи Камилла Раҳимова ҳам Ўзбекистон фуқаролигини олган эди.

Полина жорий йилнинг декабрь ойи бошида Франциянинг Анже шаҳрида бўлиб ўтган WTA-125 турнирида иштирок этган ва иккинчи босқичда германиялик Анна-Лена Фридсамга (193-ўрин) 3-6, 6-1, 2-6 ҳисобида ютқазиб, мусобақа билан хайрлашган эди.

Эслатиб ўтамиз, аввалроқ Ўзбекистон фуқаролигини олган Камилла Раҳимова  Франциянинг Анже шаҳрида бўлиб ўтган WTA 125 Open Angers Arena Loire турнирида чемпионликни қўлга киритган эди.