Ҳоланднинг голини инобатга олган ҳакамлар жазоланди

Премьер-лигада “Манчестер Юнайтед” ва “Манчестер Сити” (0:1) ўртасидаги учрашувда ишлаган видеоассистент ҳакамлар жазоланди. Бу ҳақда “The Touchline” нашри хабар берди.

Англия Премьер-лигасининг 4-туридан ўрин олган баҳсда “Манчестер Юнайтед” ўз майдонида “Манчестер Сити”ни қабул қилди. Учрашув меҳмонларнинг 1:0 ҳисобидаги ғалабаси билан якунланди. Ягона голга Эрлинг Ҳоланд муаллифлик қилди.

Нашрнинг хабар беришича, дербидан кейин VAR ҳакамларига нисбатан интизомий чора кўрилган. Мэтт Донохью ва унинг ёрдамчиси Блейк Антробус “Манчестер Сити”нинг ҳисобга олинмаслиги керак бўлган голини инобатга олган.

Манбага кўра, гол вақтида Энцо Фернандес офсайд ҳолатида бўлган. Шу сабабли VAR ҳакамлари Премьер-лиганинг кейинги тур учрашувларига тайинланмайди.

Сафардаги ғалабадан сўнг “Манчестер Сити” 12 очко билан турнир жадвалида иккинчи ўринга кўтарилди. “Манчестер Юнайтед” эса 4 очко билан 13-поғонада бормоқда.

Маълумот учун, “Манчестер Юнайтед” жорий йилнинг 20 сентябрь куни АПЛ 5-тур доирасида сафарда “Фулхэм”га қарши ўйнайди. Шу куни “Манчестер Сити” ўз майдонида “Сандерленд”ни қабул қилади.

Эслатиб ўтамиз, аввалроқ Англия Премьер-лигаси ўйинларида ҳакамликни назорат қилиш учун масъул бўлган Pro Ref ташкилоти норвегиялик “Манчестер Сити” ҳужумчиси Эрлинг Ҳоланднинг “Манчестер Юнайтед”га қарши ўйинда урган голи нотўғри ҳисобланганини маълум қилганди.