Ҳарри Кейн “Олтин тўп”ни қўлга киритиш имконияти борлигини айтди

“Бавария” ва Англия терма жамоаси ҳужумчиси Ҳарри Кейн мавсумнинг энг яхши футболчисига бериладиган “Олтин тўп” мукофотини қўлга киритиш учун яхши имкониятга эга эканини айтди. Бу ҳақда Кейн “The Standard” нашрига берган интервьюсида сўз очди.

Аввалроқ, “Барселона” ҳужумчиси Ламин Ямаль ўзини мазкур мукофотни қўлга киритиш учун асосий номзод деб атаган бўлса, “Реал Мадрид” форварди Килиан Мбаппе эса соврин айнан унга тегишли бўлиши кераклигини билдирган эди.

“Ямаль ва Мбаппенинг баёнотлари? Ўзим ҳақимда бундай гапириш менинг табиатимга хос эмас. Ўтган мавсумда эришган ютуқларимдан фахрланаман ва натижаларим бошқаларникидан кам бўлмаганини биламан. Ғалаба қозонишдан ниҳоятда фахрланаман ва менда имконият бор, деб ўйлайман”,  дейди Кейн.

Маълумот учун, 2025-2026 йилги мавсумда Кейн “Бавария” билан Германия чемпионати, Германия Кубоги ва Германия Суперкубогида ғолиб чиқди. Шунингдек, у Бундеслиганинг энг яхши тўпурарига айланди.

Кейн Англия терма жамоаси сафида 2026 йилда АҚШ, Канада ва Мексикада ўтказилган Жаҳон чемпионатида ҳам иштирок этиб, бронза медалига сазовор бўлган.