Ҳакамдан норози мухлислар стадионда жанжал кўтарди (видео)

Жорий йилнинг 30 апрель куни Про лига доирасидаги “Яйпан” ва “Ғазалкент” жамоалари ўртасидаги баҳс якунида ҳакамдан норози мухлислар стадионга югуриб чиқди. Шундан сўнг, ўйин ҳакамлари таъқиб остида майдонни тарк этди. Мазкур ҳолат юзасидан вилоят Ички ишлар бошқармаси муносабат билдирди.

Қайд этилишича, Ўзбекистон туманида жойлашган марказий стадионда ушбу туманининг “Яйпан” ҳамда Тошкент вилояти Ғазалкент туманининг “Ғазалкент” жамоалари ўртасида футбол ўйини бўлиб ўтган.

Ўйин якунида айрим томошабинлар бош ҳакамнинг қароридан норози бўлиб стадионга тушган. Ҳолат хизматга жалб этилган ходимлар томонидан бартараф қилинган. Ҳеч ким тан жароҳати олмаган.

Ҳозирда туман ИИБ томонидан жамоат тартибини бузилишига олиб келган мазкур ҳолат бўйича қўшимча ўрганиш ишлари олиб борилмоқда.

Маълумот учун, мазкур баҳсда “Ғазалкент” “Яйпан” устидан 1:2 ҳисобида ғалаба қозонган.

Эслатиб ўтамиз, аввалроқ Ўзбекистон Суперлигасининг 6-туридан ўрин олган “Қўқон-1912” – “Насаф” (1:1) учрашувида ҳакамлар ўйин натижасига таъсир қиладиган қўпол хатога йўл қўйган эди.