Жиззахда юк машинаси ёниб кул бўлди (видео)

3-саҳифа

−

06 Июнь visibility3478 timer1 дақиқа

Бугун, 6 июнь куни Жиззах вилоятида ҳаракатланиб кетаётган юк автомобили ёниб кетди. Бу ҳақда Жиззах вилоят Фавқулодда вазиятлар бошқармаси хабар берди.

Маълум қилинишича, ҳодиса соат 06:39 да М-39 халқаро автомобиль йўлининг Жиззах вилояти Ғаллаорол тумани “Хонимқўрғон” МФЙ ҳудудидан ўтувчи 1027 километрида содир бўлган. Самарқанд-Тошкент йўналишида ҳаракатланаётган юк автомобили тўсатдан ёниб кетган.

Фавқулодда вазиятлар бошқармасининг хабарига кўра, 2 та ёнғин-қутқарув экипажи соат 07:10 да воқеа жойига етиб бориб, ёнғин соат 07:48 да ўчирилган.

Билдирилишича, ҳодиса оқибатида ҳеч ким тан-жароҳати олмаган ва ҳозирда ёнғин сабаби ва зарари аниқланмоқда.

Эслатиб ўтамиз, аввалроқ Тошкент шаҳрининг Миробод туманида Gentra ёниб кетган эди.

Мақола муаллифи